كرسي الاعتراف

اذيكم يا جماعه عاملين ايه
كل سنه وانتم طيبين
بصو بقي الفكره دى انا شوفتها وعجبتنى
ياريت ننفذها سوي
احنا هايكون عندنا كرسي الاعتراف
وهايكون عندنا ضيف كل فتره
(اسبوع مثلا)
الضيف هايقعد علي الكرسي
وكل عضو
اوعضوه يدخل يسأله
اي سؤال هو عايزه والضيف عليه يجاوب
بس بكل صراحه
اتمنى ان الفكره تعجبكم
سلامي للجميع

وانا ياجماعه هاكون اول ضيفه
مستيه تفاعلكم

ماشي يانها
فلنبدأ
ا-عرفتي المنتدي ده منين(سؤال مش محرج اوي)
2-ايه اللي عجبك هنا في المنتدي(بجد والله مابغلس عليكي)
3-بتحبي الكولا اكتر ولا البيبسي(بواخة بقي)
4-انا عارفة اني غلست عليكي قوي متحملاني لحد دلوقت ولا لا
5-ماهو شعورك وانتي في كرسي الاعتراف مع الشرح بالتفصيل
كفاية كدة دلوقت ولنا لقاء اخر
واتمني لكي قضاء اسعد الاوقات وانتي بتجاوبي علي الاسئلة

بامكانك حذف اجابتين او الاستعانة بصديق
اتصلي علي 0000000000 وتاكدي ان ماحدش هايعبرك
Very Happy

والله بهزر اوعي تزعلي يانها

اوك يا جنه انا هاجاوب علي الاسئله دى
بصي ياستى انا عرفت المنتدي من طرف عاشق
اللي عجبنى في المنتدى انكم موجودين فيه
بصي لاده ولا ده انا بحب فيروز
امري لله لازم اتحملك بس مش عشانك
عشان لو تعبت في يوم وجيتلك مادفعش الكشف
شعوري ياستى انى يعنى مش عارفه احدده اول مره يتحقق معايه
بس لو فضلتى كده انا هاجيب محامي معايه
بالنسبه للاتصال بقي لو رقم اللي بالي بالك
ممكن عشان التوصيه اللي قولتلكم عليها
وتاكدي انتى بقي حد هايعبرنى ولا لا
وماتخافيش انا مش بزعل من اصحابي

جميل يا كيارا

1- اصعب موقف واجهتيه فى حياتك؟

2- اصعب قرار اخدتيه؟؟؟

3-لو حصل موقف ما ولقيتى نفسك بين كرامتك وحبك ؟؟ تختارى ايه منهم؟

4- ممكن تنقدينى؟؟ بجد هكون سعيد جدا جدا وما تقلقيش هقبل اى كلام ان شاء الله
(بس ياريب يكون نقد مش مجامله)

انا اسف تقلت عليكى شويه

مساء الخير ياكاسبر
انا هاجوبك اهه
اصغب موقف في حياتى كان في الثانويه لما استاذ الفيزياء بيصالحني
وبدل ماقوله حضرتك ما فهمتنيش قولتله حضرتك مابتفهمش كان نفسي اموت وقتها
بس الحمد لله هو مااتكلمش كل اللي عمله سكت وقالي ادخلي يابنتى
اصعب قرار بقي اخدته انى رفضت حب انسان كان محتاجلي
بس غصب عنى انا مش بعترف غير بالحب المشروع
لو حصل موقف وهاختار فيه بين حبي وكرامتى هاختار كرامتى من غير تفكير
لان الانسان ممكن يعيش من غير حب بس عمره مايقدر يعيش من غير كرامه

وبعدين بكرامتك ممكن تحب عكس ماتكون بتحب من غير كرامه
اما بقي ممكن انتقدك ولا لا فالنقد مش عيب بس لما يكون في مكانه ومن غير غلط بس لغايه دلوقتى ماشاء الله ماشوفتش
حاجه انتقدك عليها لا في الموضوعات ولا في الردود
ومفيش داعي للاسف ياكاسبر انا تحت امركم في اي اسئله
وبعدين هايجيلك يوم وهاردلك كل الاسئله
اتمنى اكون عند حسن ظنك
سلامى اليك

زائر

انتى بقى وقعتى مع اصعب قاضى فى المحكمه كلها
اسمك وسنك وعنوانك؟
انتى بتلاقى فى المنتدى ده راحه ولا لا؟
انتى حاسه انك خسرتى حاجه فى عمرك اللى عدا حاجه ندمتى عليها يعنى؟
ايه اكتر موقف فرحك فى حياتك؟
انتى حبيتى قبل كده ولا لا ولو حبيتى ياترى لسه مستمره القصه ولا انتهت ولو انتهت ياترى ايه السبب؟
من هو مثلك الاعلى فى حياتك؟
من اكتر سخصيه كرهتها فى حياتك؟
كفايه كده النهارده

ماشي ياعمنا الصعب
عايزه اعرف بقي لماانت عارف اسمى بتسال ليه
بتتاكد يعنى ولا ايه
عموما انا نها

اكيد طبعا مرتاحه عشان كده انا موجوده وبرد عليك دلوقتى
لا الحمد لله ماخسرتش حاجه اندم عليها
بصراحه مش لاقيه حاجه افتكرها
لا حبيت دى صعبه ممكن اكون اعجبت بحد
اكتر شخصيه كرهتها هو واحد بشوفه علي طول وانا رايحه الكليه
بس انا معرفوش
كفايه ليه ما لسه بدري

زائر

شكرا على اهتمامك وردك على اسئلتى

اسال انا بقى شوية اسئلة كدا حلوين Very Happy

1- انتى فى كلية اية وفى سنة كام ؟؟؟؟

2- لو ماكنتيش فى كليتك دى كنتى تحبى تبقى فى كلية اية ؟؟؟

3- تحبى تجوزى عن حب والا عادى تقليدى يعنى؟؟؟؟

4- اية اكتر صفة بتحبيها ؟؟ وبردة اية اكتر صفة بتكرهيها ؟؟؟؟

5- مين اكتر مغنى ومغنية بتحبيهم ؟؟؟؟

6- عندك هدف فى حياتك والا لأة ؟؟ واية هو ؟؟؟؟

7- نفسك فى اية دلوقتى حالا ؟؟؟؟؟

كفاية كدا النهاردة

ويارب ماتكنش اسئلتى رخمة عليكى

اذيك يا بوسي
كل سنه وانتم طيبين
بصي بقي يا بوسي
انا في تالته دراسات قسم لغه عربيه
لو ماكنتش في كليتى دي بصراحه كنت احب ابقي في البيت
لا عن حب طبعا بس ده هايكون في فتره الخطوبه مش حاجه تانيه
بحب قوى الصراحه والوضوح وبكره حاجه اسمها كذب
ممكن نقول كاظم واليسا
بصي كل هدفي انى ارضي بابا وماماوطبعا ربي قبلهم
بس والله لا اكتر ولا أقل
دلوقتى حالا نفسي في ايه اشوفك
ياباشا الأسئله مش رخمه ولا حاجه
يارب انا اللي ما اكون ضايقتك بردي في اي اجابه

ايه ده يا جماعه مفيش ولا اعتراض علي اي اجابه
معقوله يعنى اقنعتكم قوي كده يلا كل شىء جايز

بجد يا نهى كل ردودك جامدة .. ميرسى على اهتمامك وردودك على الاسئلة

وان شاء الله هاتشوفينى .... قولى يا رب Very Happy

يارب يا بوسي

اوك يا جماعه ياريت كونان يشرفنا علي كرسي الاعتراف
عايزاكم تهروه من الأسئله وانا هادخل بعدكم
عشان يبقي حسن الختام

ايه ده مفيش اي حد عايز يسال كونان ولا ايه

ا

لسنا بنحضر

اصلنا بعيد عنك بنحضر عفاريت

هوا فين كونان

مش بيدخل اصلا

عفاريت ايه ياسومه
الواد مايستحملش
وهو بيدخل ياكاسبر
بس انتم شكلكم مش عايزين
تسالووووووووووه

لا طبعا دي تيجي عاوزين نساله طبعا

ده احنا هنساله اسئله بس هو يبان

مش بقولك عفاريت علشان هو مش بيظهر ياكيارة